"Чобуо чооруостар" 

уус-уран ааҕыы өрөспүүбүлүкэтээҕи онлайн күрэх 

 Н.Е. Мординов-Амма Аччыгыйа аатынан “Кэскил” оҕо бэчээтин кыһата, “Чуораанчык”, “Колокольчик” оҕо сурунаалларын эрэдээксийэтэ өрөспүүбүлүкэ оскуолаларын, оҕо саадтарын кытта холбоһуктаах бырайыактары ыытар үтүө үгэстээх. Ханна сурутуу баар сиригэр сурунаалы кытта ситимнээх үлэ ыытыллар.

---

2021 сылга холбоһуктаах бырайыактары ыытыы үлэтин   А.А. Пахомов аатынан Тиэлиги орто оскуолата (дириэктэр В.В. Денисов), Тиэлиги нэһилиэгин олохтоох бибилэтиэкэ (салайааччы С.Н. Сергеева) саҕалыыллар.

Тэрийээччилэр Мэҥэ-Хаҥалас улууһун эдэр суруйааччыларын Александра Матвеева (Попова) – Долгура, Надежда Ильина, Мусьяна Сосина-Попова оҕолорго аналлаах  хоһооннорунан уус-уран ааҕыы өрөспүүбүлүкэтээҕи “Чобуо чооруостар”  диэн онлайн күрэҕи ыыталлар.

Сүрүн сыалынан-соругунан Мэҥэ Хаҥалас улууһун эдэр суруйааччыларын  айымньыларын ааҕааччы киэҥ араҥатыгар сырдатыы, билиһиннэрии;

оҕо  ааҕар  дьоҕурун сайыннарыы;

оҕо сурунаалларын нөҥүө дьиэ кэргэҥҥэ ааҕыы эйгэтин тэрийсии буолар.

“Чобуо чооруостар” күрэх Тиэлиги орто оскуолатын @teligischool инстаграм-старницатын нөҥүө  олунньу 11 күнүттэн кулун тутар 5 күнүгэр диэри ыытыллар. Хоһоон ааҕыытын түһүлгэтигэр оҕо саадын иитиллээччилэрэ уонна 1-4  кылаас үөрэнээччилэрэ биирдиилээн кытталлар.

Усулуобуйа быһыытынан, кыттааччы  аатын-суолун, сааһын, оскуолатын/оҕо саадын, олорор сирин, ким хоһоонун ааҕарын  чуолкайдык билиһиннэрэн туран, үчүгэй хаачыстыбалаах видеотын 89679104436,  89679104416 WatsApp нүөмэрдэргэ ыытар.

Кыайыылаахтары дьүүллүүр сүбэ түөрт сүрүн хайысханан сыаналыаҕа:

1. Айымньы ис хоһоонун истээччигэ тиэрдиитэ.
2. Уус-уран ааҕыыны толоруу маастарыстыбата (дикцията, толоруу иэйиитэ).
3. Сценическай культурата.
4. Музыканан, искусство атын көрүҥүнэн доҕуһуола, саҥа технологияны туһаныы.

Болҕойуҥ, хоһоон тиэкиһин көрөн туран ааҕыы көҥүллэммэт!

Оҕо саадын иитиллээччилэригэр, 1-4  кылаас үөрэнээччилэригэр туспа 1, 2, 3 миэстэлэр ананаллар. Кыайыылаахтар мэтээллэринэн, электроннай грамоталарынан наҕараадаланаллар. Бары кыттааччыларга туоһу сурук туттарыллар. Дьүүллүүр сүбэ быһаарыыта бүтэһиктээх. Кыайыылаахтары наҕараадалааґын zoom-түһүлгэҕэ ыытыллыаҕа.

---

Сайаапкаларгытын, видеоларгытын, ыйытыыларгытын

 89679104436 (Александра Сергеевна Иванова,

Тиэлиги орто оскуолатын дириэктэрин иитэр үлэҕэ солбуйааччыта),

89679104416 (Сардана Николаевна Сергеева,

Тиэлиги нэһилиэгин олохтоох бибилэтиэкэрэ).

“Кэскил” оҕо бэчээтин кыһата