Дьиэ кэргэн Аан дойдутааҕы күнэ!

Ыам ыйын 15 күнэ. Дьиэ кэргэн туруга дойду сайдыытын бэлиэтинэн буолар

Ыам ыйын 15 күнэ — аан дойдуга дьиэ кэргэн күнэ. Бырааһынньык идеята өссө 1989 сыллаахха аһаҕастык этиллибитэ. ХНТ Генассамблеялара дьиэ кэргэн кыһалҕаларыгар болҕомтону уурар сыалтан, 1994 сыллаахха норуоттар икки ардыларынааҕы Дьиэ кэргэн сылынан биллэрбитэ. Ити иннинэ 1993 сыллаахха бу бэлиэ күн баар буоларын быһаарбыта. Бу күн ыал балаһыанньатыгар социальнай-экономическай уонна демографическай боппуруостар дьайыыларын дириҥэтэн үөрэтиигэ ананар.

Дьиэ кэргэҥҥэ аналлаах-тургутугу ааһаргар ыҥырабыт.

Дьиэ кэргэн
 
Дьиэ кэргэн эйэлээх буолуута,
Бииргэ иллээхтик олоруута,
Дьоллоох тулхадыйбат соргута,
Барҕарар бараммат уйгута.
 
Дьиэ кэргэн иллээх буоллаҕына
Дьиэрдэ Бахсы араҥаччылыа,
Сырдык утаҕынан сыдьаайыа,
Сылаас сыһыанынан харыстыа.
 
Дьиэ кэргэн бигэ акылаатын,
Дьол-соргу уйаланыытын,
Сиэрдээх олоруу сириэдитэр,
Сэмэй буолуу бигэргэтэр.
 
Дьиэ кэргэн инники  кэскилин,
Кута-сүрэ тирэхтэниитин,
Күн күлүмүрдүү тыгыытын,
Күлүү-үөрүү арыаллаатын.
 
Дьиэ кэргэн дьоло кэхтибэтин,
Соргута симэлийбэтин,
Туруга энчирээбэтин,
Таптала сөҕүрээбэтин!
 
                                            Оҕуруоттаах    Суотту.